128. Solawatan Mengingat Tanda-Tanda Kiamat (3)

Oleh KH Misbah Mustofa

(Bangilan Tuban)

صَلِّ وَسَلِّمْ دَائِمًا عَلَـى احْمَدَ  -   2×

وَالْآلِ وَالْأَصْحَابِ مَنْ قَدْ وَحَّدَ- 2×

METUNE SERNGENGE SONGKO KULON

Nuli serngengene metu songko kulon

Teko tengah ora ngetan bali ngulon

Telung dino, yen wus ngono lawang tobat

 Dipun utup tobat niro dha’ manfaat.

Sedurunge bakal ono tondo aneh

Bengi dowo tikel telu, wong dho sedih

Ing akhire serngenge lan bulan metu

Bareng-bareng tanpo sinar kang lumintu

Esok iki akeh wong kang maleh kethek

Maleh celeng, bagus ayu maleh elek

Penduduke bumi podho jerit-jerit

sekeih ibu ninggalake bayi alit

akeh wadon metheng ngugurake bayi

wongkang sholeh do ibadah enak-enak

ing sa’ wuse telung dino serngengene

bali metu wetan koyo biasane

DABBAH

Nuli dino iku ugo Dabbah muncul

Songko Makkah gowo tongkat ngalor ngidul

Mung sedilu’ ngetan ngulon sampun rampung

Nindaake tugas ingkang paling agung.

Nganggo tongkat nuthuk-nuthuk lanang wadon

Nuli katon kafir mukmin tanpo padon

Nganggo elar lan suwiwi sikil papat

Lampah ipun turut krenteg biso rikat

DUKHON  (KABUT ASAP)

Ing sa’ wuse ono kukus metu mulek

Yen ngenani mukmin banjur biso pilek

Wong kafire koyo wongkang mendem arak

Ora biso mangan bingung lunta’-lunta’

ANGIN

Nuli ono angin wangi nyilir adem

Wongkang mukmin keno angin mati tentrem

Isi bumi kari wongkang podho kafir

Urip ipun koyo hewan kocar-kacir

ILANGE  QUR’AN

Nuli Qur’an ilang kabeh sangking bumi

Kang ditulis kang ing ati musno sami

Songko iku mumpung durung ilang musno

Ayo podho moco Qur’an kang sempurno

Njaluk warah Qur’an najan wus katuwan

Ora olo mrodo awak kanggo gawan

Putra-putri putu kudu dicriwisi

Iku Qur’an jimat mandhi tur maesi